16. avril, 2013Non classé Commentaires fermés sur Sarimihetsika Magdalena
article-image

Ny Sarimihetsika mitondra ny lohateny hoe Magdalena afaka tamin’ny henatra dia voadika amin’ny teny malagasy amin’izao fotoana izao. Nahazo tombony manokana isika malagasy satria dikan-teny faha 100 maneran-tany izao vita izao mba hahafahan’ny rehetra mahazo tsara ny tantaran’i Magdalena.

Ny Campus pour Christ Madagasikara no tompon’andraikitra eto an-toerana tamin’ny famokarana izany sarimihetsika izany. Ao anatin’ny fiaraha-miasan’ny fiangonana aminy dia hiarahana indray ny manapariaka sy mandefa azy io amin’ny toerana maro eto Antananarivo Renivohitra ato anatin’ny vola vitsivitsy.

Ny Asabotsy 20 aprily izao dia halefa etsy amin’ny CCESCA Antanimena izany, mitohy eny Andavamamba.

Magda web copie

Andraikitry ny Fiangonana Zoara Fanantenana Ambohipo kosa miaraka amin’ireo fiangonana sy fokontany maro manerana an’Antananrivo ny manohy azy araka ireo fandaharam-potoana homena tsy tapaka eto.

Manomboka ny Asabotsy 20 arpily io ihany, ao anatin’ny fanombohana ny Rodorodom-pitoriana 2013 dia hanao fitoriana arahina fanentanana ny isan-tokantrano eny amin’ny fokontany Andohatapenaka ireo kristiana avy amin’ny FJKM Andohatapenaka sy FJKM Ambohipo miaraka. Ny maraina manomboka amin’ny 8 ora ka hatramin’ny 12 ora atoandro no hanaovana izany. Amin’ny 3 ora tolakandro indray kosa no handefasana ny sarimihetsika ao amin’ny FJKM Andohatapenaka.

Ny Alahady 21 aprily amin’ny 5 ora hariva kosa dia halefa eto amin’ny Fiangonana Zoara Fanantenana io sarimihetsika io.